Сұлтан Хан АҚҚҰЛЫ
1962 жылы 1 тамызда туған.
Алматыдағы Ш.Уәлиханов атындағы (бұрынғы С.М.Киров атындағы) № 12 орта мектепті (1979), Әл-Фараби атындағы ҚазҰУ-дің филология факультетін (1990) бітірген.
Филология ғылымдарының кандидаты.
Қазақстан ҰҒА М.О.Әуезов атындағы әдебиет және өнер институтында аға лаборант, кіші ғылыми қызметкер, ғылыми қызметкер (1990-1995); Т.Жүргенов атындағы Өнер академиясында Гуманитарлық пәндер кафедрасының меңгерушісі, ғалым хатшы (1995-1996); Азат Еуропа/Азаттық Радиосы Астана бюросының директоры (1997-2000); Астана қаласы әкімінің баспасөз хатшысы, баспасөз қызметінің жетекшісі (2000-2001); «Қазақстан-Заман» қазақ-түрік халықаралық газетінің Астанадағы арнайы тілшісі (2001-2002); Азат Еуропа/Азаттық радиосының Прагадағы қызметкері (2002-2012, маусым).
